't Kelderke Sittard

Artikelen gerelateerd op de December 2009 reünie

Gedicht Maas en Mijn 16 Juli 2009 -De Kelder-

Oppe Riekswaeg Zuid veurhaer de auwe Teikensjool, waor vruiger de jóngeresoos,

vanaaf de veurige eeuw in 1964 is dat in de kelder allenej begoosj.

Al waar ich d'r neit vanaaf 't begin d'rbie, maar geweldige jaore höb ich dao-aan belaef dan,

mer veur bènne te kómnie moosjte lid waere, ein lidmaatsjapkaart 5 guije per jaor, mit ein pasfoto van.

Michzellèf, mer veurdat 't zowiêt waor, moosjte ein lies invölle, sjtreng waore ze waal,

mer me heurde niks van get sjandaal.

Ich weit de ingangk nog, ein grote deur dat van 2 kenj aope koosj, nao bènne rechtsaaf, koosjte dich de jas ophange,

dan ein sjteine dreeëtrap,oetkieke daste dich geine böltj oppe kop opleips, en dan nao ónger gegange.

Aan de rechterkantj hauwste de bar, en leip me rechdoor, waor dao eiu klein dansvlurke en de dj-

dae dao midde-in, singeltjes en LP's van o.a. The Beatles, James Brown (zeliger), Rolling Stones, Stevie Wonder dan dreëde,

veer, mechelkes, en zeker neit te vergaete,de leidjes van de Jackson Five mit doe de kleiue, (Leadzanger Michael Jackson zeliger) dan mitkreëde.

Door baoge van sjtein gemetseld koosjte dan doorloupe, langs de kantj get taofels van hout,

veer mechelkes sjtónge ummer in 't midde, ouch 't s'wèntjers, in ganse korte minirÖkskes, kneihaoze aan, hauwe veer 't neit kauwt.

De meiste hauwe in dae tied lang blónj haore, (ich ouch) die netjes langs 't gezich hónge,

op sjoon mit hoge blokhakke, (Elton John hauw die aan) woo-op veer de meziek van oa Musical Hair dan mit-sjprónge.

Op ein besjaafde meneiër woord dees sociëteit door jóngere oa Ger Sjölpe, besjtuurd mit väöl plezeiër,

d'r woord gedans, geklènjerd, ducussies gehauwte op ein fien meneiër.

De meiste waore sjtudente, 't heisjde neit veur niks sjtudentekelder, mer 't waor dao sjtampevol,

neit te geluive, boete oppe sjtraot rieje dik sjtónge veer gedöjig te wachte, mer bènne hauwe veer de grootste lol.

'T zóndigs s'mörges in 't auwt Kleesj, eesj de jeug-mès volge, waat erg drök bezóch woord en daonao dan aeve,

ós dan goud oppe dansvloer dan gaon oetlaeve.

Veur 55 cent besjtèlde ze get cola of 7UP, me hauw nao 2 glaazer gauw genóg gehad,

en leuke sjnaake waore d'r zat.

Laote veer eerlik zeen me góng ouch in dae tied veur de jungskes, en aasde veer op ein sjoone kans,

jedere waek haopde veer op get sjans.

En es veer jedere waek weiër in 't gedempte leich van de Kelder bènneleipe,

lökde ós dat weiër, óm bie eine langzame dans, eine leuke sjnaak de dansvloer op te sjleipe.

Veur mich waor dit de allersjoonste tied van al mien oetgaons-laeve,

es ich noe nog ein leidje heur, waat in dae tied ein.hit waor' dènk ich mit plezeiër aan De Kelder aeve.

Mieke Vahsen - Cuijpers oet de Paesjsjtraot